By - H Lamminlun Neihsial

Manipul lam apat Delhi tunkal ka ngakla dan chu a khawpi hawi mu nuam leh ngaisan ziak le hitalo in ek suak ziak ala hizaw daih mai ah, a dik chet gen a chun chunglama pat hung leng kihi bek leh chu khawklo maithei ahia, hinla kengtam deu te a kihawt zawt zawt ahiziak in lunglut taka ekthakna mun lemchan lo ziak ahizaw pen hi. Tichun, Delhi a eimi te tamna pen leh agen minthanna nau mun tualpi "munirka" chu ka tung ta ngei a, ka sakhaupi puak chu tawh Public Call Office mun ka luta, zia hin ka um hi katia zia chu Baldev Singh Complex mun ahi. Zia complex a apat chun ka um na di chu kigamlo ahi ziak in kingang takin tawilet lam chu ka zuan ta, ka hungpawt lam le ka he diak tapuai. Mikhat chun khawvel ah nawp la sak pen gena ati lai ah "ek thak" ati chu ka gel dawk vung2 hi. Delhi mun ah pastor khat vang in khawvel ah ibuaipiu hi "ek" di bep ei ati tawh ahung kituak thim bang kasa...a dik na le apawt dawk zung2 hi. Khenkhat taget chun la ek vang ka im thei a, zun suak vang ka im thei puai ati kita, abang chu hile michip pen2 pan a ek leh zun te chu ama vawk (pig) tilo midangte vawkin anek khak ding le aphal ta get pua, a vawkcha umlo na thak khak ding alau taget a....

Somkholal Junior Model Skul, Tualnuam ah ka kai lai in klass 1 chan ka sim a, ka nu leh pa leh ziltiltu ah apan ziak uh ahi diam first division atiu haw khun ka la pass sek in ka he. A hun chet hetalo maleng nikhat hi huipi a hung haanga, gua (rain) le nasatakin ahung juta, chimpei atiu leh ahung kipei chu hina..ka klass room uh a chunglam a um ta pua..thingzawl khenkhat ahung ke tha ka kianga ka lawite khat ahug khen puak tamai ah, apen tawh a ka taw a ek a che hiala..zia phat a chun awjapu khenkhat haw chu a office uh a pat in ahung tai ah ahung pui dawk taua. Ka lawipa chu a kisukha,thisan kai net nut in akap a..ka miss teu chun a them ua, kei chun le ala eng ve sam hi di ka hia, kei chu le ka kisak a,"anai anai " tin ka kap hi.. bangma ala  ti lo maleng.

Nikhat chu zia skul ah ka kailai ah chun ka zun le suak bek lo maleh mi khenkhat pawt sek gual dan in "Sir! may I go out?" ka ti leh for what? ahung tia. For number one ka ti leh ahungphal piak tai. Jun um beklo maleh ka va tha dawk ham2 a tawmngai takin ka hung kile kit tai. Ka lut gua kam thiam deu taka, "May I come in Sir ?" ka ti leh "NO" ahun tia ei tawt khuma, klass room pawlam a chun chawmkhat ka um man hi. Ka sir pa min chu Sir Basanta ahi. Zia hun lai taka chun Sir S.K.Liana ti khat le aum ah, ama chun apawlam ah mawk vak vial2 hina ti ahidiam? tuni chan in le ka he dawk zo nai pua, gal a pat chun ei ko a, a tiangpum chawi chun ei jep ek a, men petput thim in ka hung lut guat leh Sir Basanta chun ei nui san a, kaate nui kawm in pencil le tu thei lo khawp in ka chutai. Zia zaw a chun vang ka jun a suak tak tak tai. Hinla zuntha pawt kit dinga kidawt kit chula alemchang ta paw ngala.

Jubillee Model School, Hill Town ah famta Pu H.K.Shyama Neihsial Principal ahilai in class two ka sima, ka kianga kichute ni chun ei jep jep jiang sek ua, a khatpa chu a khutgua na ten nalai, khatzawkpa chu la misik hat ten in tin, vak thuk di chula a neujaw, a chapang jaw, thajaw diaklo di aki hileh bangma ka gen thei sek pua, kum khat vang teacher te khutnung thuak lo maleng ka chutkhawmpi te ni khutgu vang ka nekhawp dik dek hi. Hun hung chia zel in result ahung suak ta, "bangzat na'n la pass em boi?" ahun ti phat ua leh ki an deu tak mai in "promote" ti'n ka gen thang veng vung sek hi. Ka nu neu te khat le "simple" a pass hi di hia? Simple ah pass te hi promote sanga thiamzawte ahi ti'n a hun gena, a dik diklo vang tuchan ahileh ka hetchian nailo ahi.

Blue Star Academy ah klass foul ka sim lai in, ka loipa khat  ki im zolo hidi hia,  a sungkhaw lam kihet phak pilo, aman leh genman diaklo hina.....lawngpant a chen chu a hungpuak dawk zianga, amal changlam chu a tu tren tran ah, a chek ka gal mu man ham2 hi....ka teachal pau le gen di helo in ..."go..go..." ti'n panpi di dan le ahe diak pua. A kidak thim ahi diam zia ni ah chaptal explanation a bawl lai ah a chil phuan chu ka khut in ahung baang nalai ah, aman leh ahe tho ah, ka khuta a chil baang chu ahung thiak daw piak a tuchan hin ka hemil thei puai...amah chu Sir. Lamlal ahia, science subject alai. Nikhat chu ka vaima ten zianga, ka klass mate te khat in apa sum a hung gua, ka hetkhial lo leh Rs. 500 hi in ka he..kei tawh ka loite khat chu nekthei chaw din ei sawl ta, tichun chipchi, disco leh manggan tamdeupi tak ka hung chaw tau a, gate lam ale lut ngam lo in dukan apat a, ka room uh window lam in ka hung kal to ah, ka chawp suk chet leh Sir. Lamlal room chek dinga hunglut chet chun ei mu..kalau ma ma jianga, ka mangan chawk chu ala, akhut dim in a la, a kim khat sia chu ahung pe kita, ka tawka pocket a chun dim set in ka kua man ham2 hi. ka loite chu le ka hawp leh a dawi bek puau a, amau in leh nek ding tampi ala chawk tak ziak uh ala hidi hia,  A zing a chun ka loipau, apate sum hung gupa chu ahung kai tapua, apate'n ahe dawk ua, ala jep dan uh ala hi.

Gen ut bek bek lo maleng ka hetmil thei lo ziak in hung kigen pha kit ingka. Klass 6  vel hi in ka kihe, ka kilek hun lai tak hi di hia, ka tawka chen, longpant chu ka dawi bek tapua, athak khui di tia ka nu leh pa kianga ka kiphin leh ei ngai sak puau a, ken leh ka lungna ka kai kek a, ka nu'n ei jep ek nalai, a kekna chu a lian tawk a ka nu'n kin leh mawl in a khut in akhui a,  zia ni a chun ka pa cycle in skul ka kai hi. Ka vaigei khel2 nalai ah kiphin ga hidi hia ka lut hak thim tena..ka lut2 in eila en sau sau ua, ka missnu uh ahung lut pai jianga, "who is first boy in your class?" ati leh ka loite chu "you stand up no, u r first boy" ahung tiu a, kei chu la khua hekei lo in ka ding dawk nel nawla. A nitak assembly na a chun prize hawp ding tiin Principal Dr. Dallian Haokip in First, Second, Third te ahung puang dawka,ahung ko dawk ta. Ka longpant hoilo chutawh ka zachat dan chu...mimai a ding di hinalai ka he mil thei ta puai. A thakit achun ka fail a, sikha laimal atiu haw hidi ahia, manipuri in ka fail hi. Ka complain leh ka Miss Kunjo, a sangnu kati sek uh chun "How much you like?" ei tia, ken leh 95 ka ti leh ei pe mai a, ka test paper haw ka chawm khawm a, ka mark mu haw  ka et leh  ka full marka, hinla position vang a vaigei tak ziak in het in ka um ta pua, prize ah ahawp sek uh pencil pa thum le ka chan bawk hi.

Klass 7 ka hi in romantic pianthim le kihitan tin first bench a kichu sek ka hia, ka thiam ziak le ahi diak pua, ka size ala neu ziak hidi ahia, second bench le ka chang zo him2 ngai puai. Numei te lama first bench a chu sek Ruth Hauching tawh ka chutnau position a kibang khel2 ah, pawsal lama kei chutna chu abang lam apat anina ka hia, amaleh chuti bawk tho. A vawm nam hiau heu ziak in ka la en thanuam te'n sek a, aman leh ei en sek a, ka zak a cha sek tho ma mai. Nikhat second bench a chu sek Suansianlal kitipa chun a hawithim ziak adiam kua2 hoi na sa a tia a dawt chu ka he zing nalai ah, a ziak chu ka kianga te min a ban2 ah agen lai in alu apei a, kei hun a tun in " hoi sa sim sim" tia agen ka lungthim mitthan akituul jing nalai hi. Khatvei bek kimu kit leh ka tina vanglak e....(sutzawp ding...)

Comments (3)

...

Thanks for such good article. Please keep up the good work

H Thangkhanhau , October 24, 2009

• 
• +0
• 
• 

...

Lun, na ziak thiam na lawm2 gual!

khaalnou , November 01, 2009

• 
• +0
• 
• 

...

khaalno pu, nangle hung gel jel tan...

sialno , July 07, 2010

• 
• +0
• 
• 

Write comment

You must be logged in to post a comment. Please register if you do not have an account yet.