Akum (90) lhigset mipa khatin in na solle (house maid) a aman chah numei chapang kum 22 khat jonthanhoi lam a lepthol a (persuade) achon set pi nung a jachatding dana a ji a akichenpi thu India Burma gamgichin na cheng kuki chanu chapa te sungah imthei louvin ajao cheh jeng tai.
 
A umkhompi numei chapang nuhi Burma sung Namphalong kho a class 10 simlai ahin Pasal mipa hi India sung Moreh mun a cheng Kuki chate sung a jaumtah leh gin umtah houdol a jong thempu lentah nampi in jong kisonpi leh kingai na a anei Dr.Khuplam milui Lenthang (Manmasi) ahi e.
 
Chapang numei nu seidan in lhalo India sum Rupees 300/(three hundred)in Dr.pu vonnen ho sop anhon peh chule ajenlen kapang nge ati.  A natoh najeh hi apa kum 80 in insung hahsat leh boi na jeh a atu acha tabang a angaito a avetkol ding dei na a atahsan pen leh aja pen apu pa koma hi 2008 kum  a  anaki nopto na dungjui hon bang a aga thah lut ahitai. Chuleh apa akinep na sangpen chu  kachanu nat na hi Doctor pu hin jen dam tei inte ti hi ahi.
 
Phatchom khat jouvin Doctor pun chapang numei nu jah ah nangma dammo na hi nanaobu dam lou jeh ahi atin, kajan dampehding nahi tinkinep na len tah apeh dung juiin numeichapang nun jong kijensah ding chu akhut san tai.
 
Doctor khuplam in aseibang in ahin jen pantai. Amasa pen in Moreh supper  maket bazar ah asol in dahdel neo cha cha agachoh sahin chapang numei nu hinpisung ah asunlut in aladoh in hitichun phattam pi abol jouhin numei chapang nu hinpi sunga kon in thisan (sperm) hungdoh hochu  petchon  in atheh dohin hiche hohi nadam mona natpi ho ahi tin aseipeh e. Doctor pu amatah sei in hiche hi Japan method ahie tin ama gaphul (complaint)bolho heng ah ahi sei in ahi.Chutichun phat tampi ahin bol nung hin adoi le tup guilhung tah toh lhonin amahin pitah/amatah alut tan ahi.
 
Chapang numeinu hi midang toh kitimat khalou ahin ahinpi aneotah jeh in Doctor pun blade in a jiheh lenin amanopsah nadingjal jeh in eikitimat pi e tin a-in sung mite thudoh na ah numei chapang nun asei dohe. Hitabang kijandan hi thempu khat mijen ahi nadem tin mitamtah din lungopkai na/lungdon na asosah e.
 
Hitabang khohe lou Burma kuki chapang numei nu chunga lhep a (Persuade) kibol a achai na a jum man a akichen pihi ngaidam dinga kilom lou tah leh khutsan theilou tah ahi. Hitabang thilsoh ahung umkit ding jong hi kichat umtah thil ahi e.
 
Kum 90 val thikon tehse khat in ahina kihet louva numei chapang khat chung  a lepthol a a bol a ji a aki chen pi hi ngaina a kangcha  a ki chaithei ahinadem? Akilom nadem? Khutsan thei mong jong ahi nadem? Giltah a gelkhoh ding angai tai. Dr. Khuplam hi tu tu a jineichanei ahi e tijong ihet u angai e. Numeichapang nu lunglam hijeng jong leh hiche miji angkeh hi ngaidam chansah thei hinam? India  ahin mihem khat jikhat nei ding tijoh hi ahi e Muslim tai lou.
Hitabang thilsoh hi kidah umtah/thet umtah thil ahin mipin jat le nam houlam a dinga kinepna le ngaisang na aneina chunga kichung tolap ma (chance) lahna a anei ahin hitabang ho hi pum khutna khutsan lou ding ahi. Hichi hi khoutah a demna leh action lalouva imoh vet u leh mailam a Kuki chanu te a dinga kihollal umtah ahitai. Adeh in minu mipa te mopoh na jong ahi. Hichi tobang thilsoh hi Kum 2010 kumbul lam chun Burma boundry lam ah khat vei umkha sa ahitai.
 
Hijeh chun tunung tuma leh hitabang thilsoh avel a aum nalou ding in Kuki chapa chanu kahe ti jousen khohsah tah a /pona tah a action lah panphat ahi tai.